neend se mutaliq tehqeeq : kya waqai mobile phone ki niilii roshni aap ko sonay nahi deti ?

 

woh science daan jo is tehqeeq mein magan thay ke aaraam se neend mein chalay jane ke liye behtareen masnoi roshni kaisi honi chahiye, ab unhon ne is khayaal ko radd kar diya hai ke mobile phone ki screen ki wajah se log jagtay rehtay hain .

Bartania ki manchester university se munsalik un science danon ka kehna hai ke asal masla mobile phones aur dosray jadeed alaat se niklny wali niilii roshni nahi hai .

university ki team ne is silsilay mein choohon par tajarbaat kiye aur roshiniyon ko madham aur taiz kar ke dekha ke is ke choohon par kya asraat hotay hain .

hayaatiyaat ke jareeday' current Biology' mein shaya honay wali is mutanazia tehqeeq ke mutabiq un ke sawal ka jawab is baat mein posheeda hai ke roshni kitni taiz aur kitni gudaaz hai .

is tehqeeq ki zaroorat kya thi ?

hum mein se har kisi ke sonay jaagne ka apna apna waqt hai . aksar logon ka jismani nizaam al uqaat ya body -clock ird gird ke mahol se hum aahang hota hai, yani woh din ki roshni mein chaak o choband hotay hain aur raat ko inhen neend anay lagti hai .

lekin mahireen ko aik arsay se shak tha ke shayad masnoi roshni hamaray is nizaam al uqaat mein gur barr ka baais ban rahi hai .

aur logon mein yeh baat bhi mashhoor hai ke computer screen aur mobile phones se niklny wali niilii roshni neend par burii terhan assar andaaz hoti hai .

tehqeeq mein kya samnay aaya ?

team ne jab choohon par tajarbaat kiye to unhon ne nah sirf roshni ko kabhi taiz aur kabhi madham kar ke dekha balkay kabhi choohon par peeli roshni daali aur kabhi niilii .

hasb tawaqqa, team ne dekha ke taiz roshni, chahay woh niilii thi ya peeli, is se choohay pur-sukon nahi hue balkay ziyada jaag gaye .

lekin jab roshni madham kar ke dekha gaya to maloom sun-hwa ke peeli ki nisbat niilii roshni ziyada pursukoon saabit hui .

team ke sarbarah dr tِm brown kehte hain ke un ki tehqeeq mein wohi baat saabit hui jo hamein qudrati tor par dikhayi deti hai, yani din ki taiz roshni mein neend nahi aati .

dr tِm brown ka kehna tha ke' din ke waqt jo roshni hum tak pahunchti hai woh qadray safaid ya peelay rang ki hoti hai aur hamaray body -clock par is ka assar bohat ziyada hota hai, aur ghuroob aftaab ke baad hamaray ird gird roshni qadray niilii ho jati hai .

' is liye agar aap chahtay hain ke roshni aap ke body -clock par itni ziyada assar andaaz nah ho to aap ka intikhab madham aur niilii roshni hona chahiye. '

is ke bar aks chaak o choband aur jagtay rehne ke liye taiz safaid ya peeli roshni behtar hoti hai .

to is ka matlab kya sun-hwa ?

computer aur mobile phones mein lagi hui' night mood' ki sahoolat se un se niklny wali niilii roshni madham par jati hai aur is ka maqsad aap ki neend par roshni ke buray asraat ko kam karna hota hai .

dr tِm brown ke bakol' aaj kal aksar log apni device par roshni ke rang aur display ko tabdeel karte rehtay hain jis se screen ziyada peeli ho jati hai .

' hamari paishen goi yeh hai ke rang badalny ke asraat bilkul ghalat ho rahay hain. aur rang badalny se woh fawaid bhi zaya ho rahay hain jo aap ko mobile ki roshni madham karne se haasil ho satke hain. '

choohay raat ko ziyada chaak o choband nahi hotay ?

is mein koi shak nahi ke choohay raat bhar jagtay rehtay hain . lekin mohqiqeen kehte hain ke tamam mmalih janwaron par roshni ke asraat aik jaisay hotay hain, chahay woh insaan hon ya choohay. is se maloom hota hai ke roshni ke jo asraat choohon par dekhe gaye hain, woh insanon par bhi laago honay chahiye. '

taham team ka kehna hai ke un nataij ki tasdeeq ke liye mazeed tehqeeq honi chahiye . is tehqeeq par tabsarah karte hue aaksfrd university ke dr minoyl kehte hain ke' yeh aik anokhi tehqeeq hai, lekin hum yaqeen se nahi keh satke ke insanon par bhi aisay hi asraat hotay hain. aur janwaron par tehqeeq karne mein mushkil yahi hoti hai ( ke is ka itlaq insanon par hamesha nahi kiya ja sakta ) .

' yeh baat yakeeni bananay ke liye mustaqbil mein aisi hi tehqeeq insanon par ki jani chahiye. '