din ki roshni aur raat ki neend ka aapas mein kya talluq hai ?

 

sonay aur baydaari ka amal ahem insani rawaiyon mein se aik hai. hum apni zindagi ka taqreeban aik tahai hissa sotay guzaar dete hain aur is ke baghair zindah nahi reh satke .

sotay waqt hamara dimagh maloomat ko yaad karta aur is par kaam karta hai. hamara jism namiati maday ko saaf karta aur apni murammat karta hai jis se hum jaagne ke baad sahih terhan se kaam kar satke hain .

hatta ke intehai kam arsay ke liye bhi neend se mehroomi hamari sehat ko mutasir kar sakti hai. hum mein se aksar ka aik raat nah sonay ke baais bura haal ho jata hai aur neend ke baghair teen raton ke baad hamara kaam buri terhan se mutasir hota hai .

aik mutalay ke mutabiq 17 se 19 ghantay jaagne se bohat se mamlaat ko samajhney ki salahiyat bilkul waisay hi mutasir hoti hai jaisay aik sharaab peenay walay ki .

yeh asraat waqt ke sath bad se badter hotay jatay hain. neend ke baghair guzaraa gaya sab se taweel tareen waqt gayarah din se ziyada tha jis ke nateejay mein shadeed nafsiati tabdeelian dekhi gayeen. poori tawajah se kaam karne aur qaleel mudti hafzay samait dimagh mein khlal jaisay masail bhi peda hue .

lekin jahan science daan aik arsa qabal neend ki ahmiyat ko samajh chuke hain wahein is mein qudrati roshni ke ahem kirdaar ko kabhi kabhi nazar andaz bhi kya jata hai .

body clock ko tarteeb dena:

roshni ke ahem honay ki wajah yeh hai ke yeh aankhon mein mojood khusoosi sinsrz ke zariye hamaray roz marrah ke mamool ya hamari body -clock yani jism ki ghari ko tarteeb deti hai .

hamari aankh hamaray mahol mein roshan aur tareek doraniye ka pata chala layte hai aur hamaray jism ke mamool ko tarteeb deti hai taakay aap ke jism aur din ke auqaat mein mutabqat peda ho .

is ki ahmiyat ka andaza is baat se hota hai ke jin logon ki aankhon ko koi shadeed nuqsaan pohanchana hai woh –apne body -clock ko buri terhan se mutasir mehsoos karte hain jis ki wajah se unhein sonay mein dushwari hoti hai . roshni tak rasai ke baghair insani jism ka nizaam mamool se hatt jata hai .

hawai jahaaz ke safar ki thakaan roshni ke asraat ki aik wazeh misaal hai. nai jagah aur naye time zone mein roshni se saamna hamaray jism ko muqami waqt ke mutabiq tarteeb dainay mein madad karta hai aur hamein sonay ka sahih waqt batata hai .

atharvin sadi mein, duniya mein ziyada tar log khulay aasman taley kaam karte thay aur unhein din se raat ki tabdeeli ka pata hota tha .

aaj, hum mein se aksar un maholiyati ishaaron se mahroom rehtay hain kyunkay hum imaarton ke andar kaam karte hain. misaal ke tor par Bartania mein ab zaraat aur mahi Gary ki nokriyan sirf aik feesad hain .

hum roshni se mahroom noo ban chuke hain, jis ka hamari neend ke miyaar par farq par raha hai aur is ke nateejay mein sehat par dairpa asraat muratab ho rahay hain. roshni ki yeh munasib miqdaar har insaan mein mukhtalif hai lekin hum yeh jantay hain ke hamaray jism ko roshni ki zaroorat hai jo ke imaarton ke andar kaam karne walay bohat se afraad ko dastyab nahi hoti .

aik qabil tawajah manfi assar siznl duss order ( sad ) hai, jo ke zehni dabao ki aik qisam hai. aik andazay ke mutabiq do se 8 feesad Europi shehri is mein mubtala hain aur is ko Sooraj ki roshni ki Adam farahmi se munsalik kya jata hai .

aur is ke ilawa aur bhi bohat si jaghon par qudrati roshni ki kami masail peda honay ki wajah bani hai .

 

raat mein kaam karna:

hum mein se aksar khatir khuwa qudrati roshni haasil nahi kar rahay aur raat ki duty karne walon ke liye khaas tor par yeh masla hai .

unhein aisay waqt par kaam karna parta hai jab body -clock jism ko sonay ke liye tayyar kar chuki hoti hai aur chusti aur kaam karne ki salahiyat kam hoti hai. woh be shak din mein sonay ki koshish karte hain lekin yeh aksar kam doraniye ya achi neend nahi hoti .

dar haqeeqat jab woh neend mein hotay hain to kaam karte hain aur tab sotay hain jab unhein neend nahi aati aur is ke sehat par aisay manfi asraat hotay hain jin ke baray mein hamein ab maloom ho raha hai .

is se fori tor par ghair mamooli jazbati rad-e-amal aur maloomat ko sahih terhan se istemaal karne ka amal mutasir hota hai .

raat ki shift mein kaam karne se sehat ke bohat se pehlu mutasir ho satke hain, jis se insaan ki zindagi mein se chay saal tak ka arsa kam ho sakta hai .

raat ki duty karne walay 97 feesad mulazmeen kayi saal kaam karne ke bawajood bhi apne kaam ke andaaz mein dhalnay mein nakaam rehtay hain .

woh apni jismani sehat ko badalny mein nakaam rehtay hain kyunkay un ke daftar ya factory mein muhayya ki jane wali masnoi roshni maholiyati roshni ke muqablay mein bohat madham hoti hai, aik roshan din mein dopehar ki qudrati roshni, daftar ki roshni ke muqablay mein 250 martaba ziyada roshan hoti hai .

jab raat ko kaam karne wala ghar jane ke liye nikalta hai aur qudrati roshni ke samnay aata hai to androoni nizaam ko isharay mlitay hain ke yeh bedaar honay ka waqt hai .

harord ke aik mutalay ke mutabiq kaam ki jagah chamakti roshni mein rehne aur din mein qudrati roshni se daur rehne ki wajah se raat ki duty karne walay mlazmin mukammal tor par raat ko jaagne walay ban jatay hain .

qudrati roshni ka farogh:

nrsng homz mein rehne walay bhi aksar Sooraj ki roshni ki kami ka shikaar hotay hain . chaar deewari ke andar roshni intehai kam hoti hai jis ki wajah se wahan rehne walay aksar bohat kam qudrati roshni haasil kar satke hain jis ka matlab hai ke buri neend ki shikayat aam hai .aik dutch mutalay ne nrsng homz mein roshni ki miqdaar ko badhaya, jabkay mumkina had tak sonay ke kamron ko andheray mein rakhnay ki koshish ki .

is se din ke auqaat mein sonay mein kami jabkay raat ki neend ko yakeeni bananay ki koshish ki gayi jis se zehni salahiyat mein behtari aayi .

roshni se mehroomi sirf qudrati roshni ki Adam dasteyabi nahi, balkay yeh sahih waqt par roshni ki farahmi se mutaliq bhi hai .

raat mein istemaal honay wali light se hamari body clock sust rawi ka shikaar ho jati hai jis ke baais hum aglay roz takheer se jagtay hain. subah ki roshni body -clock ko mutharrak karti hai jis ki wajah se hum jaldi uth jatay hain .

jab insaan khulay aasman ke neechay kaam karte thay to yeh masla nahi tha, kyunkay hamein subah aur raat dono ka saamna rehta tha .

lekin aaj kal hum mein se ziyada tar tulu aftaab ya ghuroob aftaab ke cycle ke kuch hissay ka hi tajurbah karte hain. yeh khaas tor par university ke tlba ke baray mein durust hai jo der se din ka aaghaz karte hain aur phir shaam mein ziyada waqt bahar ﮔﺰrate hain .

raat ki tareqi mein istemaal honay wali roshni un ke body -clock ko takheer ka shikaar kar deti hai, jis ka matlab hai ke woh der se bedaar hon ge aur der se soyen ge. yeh nojawanon aur balighon mein hormonal tabdeelion ka baais banti hai jis se body -clock do ghantay takheer ka shikaar ho jata hai .

cigrette noshi, alchohal ka istemaal aur ghair hifazati sex ke sehat par nataij ke baray mein bohat ziyada maloomat mojood hain lekin neend ki ahmiyat aur is mein roshni ki ahmiyat ke baray mein hum kam jantay hain .

is muamlay par mazeed tehqeeq aur ziyada aagahi logon ko neend ke baray mein apni tarjeehat bananay aur Sooraj ki roshni ziyada istemaal karne mein madadgaar saabit ho sakti hai. yeh hukoomaton, taleemi idaron aur kaam kaaj ki jaghon par banai gayi par bhi assar andaaz ho sakti hai .

raat ko bistar par jane se qabal roshni ka kam istemaal, aur ziyada se ziyada subah ki roshni ka istemaal, woh aasaan tareeqay hain jin ke zariye ziyada tar log apni neend ko behtar kar satke hain .