Kheera ! ka faiday aur Thandaak Or is ke Ghezayat Ka Hamil

 

Dhoop mein barhti hui tamazat mausam garma ki aamad ki Naveed suna rahi hai, thanday mashrobat ghazayo ke istemaal ka aaghaz ho chuka hai aisay mein kheeray ka naam sun kar hi aik thandak bhara ehsas hota hai yun to kheeray ka istemaal salad mein bunyadi hesiyat rakhta hai lekin mausam garma mein kheeray ke istemaal mein izafah hojatahe. garam mausam mein yeh nah sirf bator salad kha ya jata hai balkay usay alehda salim bhi bah shoq wraghbat bachay' boorhay aur nojawan shoq se khatay hain .

kheera aik thandhi sabzi hai, chalchalaty mausam ki garmahat mein jism ko thandak aur tar-o-tazgi bakhash karnai tawanai peda karti hai. kheera sirf thandak hi faraham nahi karta balkay is mein ghizai ajzaa bhi barri miqdaar mein paye jatay hain jo jismani karkardagi fa-aal bananay ke liye na guzeer anasir ki hesiyat rakhtay hain .

kheera bator kachi khanay wali sabzi hai is ka poda bail daar hota hai yeh kaddu' khrboze waghera ke khandan se talluq rakhta hai .

go k kheeray ki kayi aqsam hain lekin halkay aur gehray sabz rangat ke haamil kheeray ka istemaal aam hai. kheeray ki kaasht ki tareekh nihayat qadeem hai is ke aabadi watan ke baray mein mahireen ka khayaal hai ke is ka aabadi watan shumali Bar Saghir hai jabkay qadeem romeon ne pehli sadi eewsi mein kheera kaasht kya. columbus ne maghribi duniya mein kheeray ko muta-arif karwaya aur hiti mein 1494 mein usay pehli baar kaasht kya gaya .

jahan se kheera batadreej aksar maghribi mumalik mein kaasht kya jane laga aur ab duniya ke beshtar mumalik mein kheera bakasrat ka shaat kya jata hai. Pakistan ' chain' Bharat ' Bartania ' wasti aur janoobi America waghera ka shamar kheera peda karne walay ahem mumalik mein hota hai .

ghizai ifadiyat wahimiyat:

kheera deegar sabzion ki terhan be shumaar ghizai ifadiyat ka haamil hota hai .

is mein vitamins aur madniyaat ka wasee khazana paaya jata hai. 2 Adad kheeray bator ghiza khanay se jahan ishtehapoori hoti hai wahein jism ko zaroori ghizaiyat bhi muyassar ajati hai. umooman kheeray ko chheel kar khatay hain lekin mahireen taghzia kheeray ko chilkay samait khanay par zor dete hain un ke mutabiq kheeray ke ghizai ajzaa ki ahem miqdaar chilkay mein hi mojood hoti hai jo chilka utaarnay se zaya ho jati hai .

kheera agar chay ziyada tar kacha hi pasand kya jata hai lekin usay phalon' salad' sabzion wa anaag waghera ke sath mila kar khanay se is ki ghizaiyat mein izafah hota hai. kheeray ki ghizai ifadiyat par mahireen ki kayi tehqiqaat wa tajrabat ke mutabiq kheeray mein 14 calories' 0. 4 gram protein' 0. 1 gram calcium' 0. 03 gram phosphorus' 1. 5 gram folaad' 00 vitamin a' 0. 03 mili gram vitamin-d 0. 02 mili gram vitamin b2 aur 7 mili gram vitamin c mojood hotay hain.

neez kheeray mein ahem maadni ajzaa jaisay slfr' slikon' chlorine' sodium' potassium' fluorine aur mignishim bhi paye jatay hain .

Shifa bakhash khususiyaat ki haamil sabzi:

qudrat ki janib se insaan ke liye ataa kardah har Nemat mein ghizaiyat ke sath sath bimarion se bachao aur Shifa bhi rakhi gayi hai. un besh baha nematon phal' sabzion' anaaj aur jari bootion waghera mein insaan ko la-haq honay wali har bemari ka ilaaj mojood hai .

un ke roz maraah ke istemaal se doctoron ki mehngi adwiyah wa elaj se mehfooz raha ja sakta hai. kheera bhi Shifa bakhash khususiyaat ki haamil sabzi hai yeh majmoi tor par nizaam inhizam durust rakh kar kayi bimarion ko ban'nay se rokti hai .

buland fashaar khoon mein mo-asar:

mahireen ke mutabiq high blood pressure ya buland fashaar khoon ke mareez apni khoraak mein kheera shaamil karkay khoon ke dabao ko normal satah par laa satke hain .

kyunkay kheeray mein maadni ajzaa khoon ki tezabiyat daur karkay is ki gardish behtar banatay hain .

qabz ke khilaaf kargar:

Kheera iz wd hazam ghiza hai. yeh antadiyon ko aisay madon ki farahmi mumkin banata hai jo ghiza ko maiday mein hazem kar ke qabz rafa karte hain. qabz ki shikayat mein yomiya 2 kheeray khanay se chand din afaqa hota hai .

maiday ki tezabiyat aur alsar ka ilaaj:

kheera kacha khanay ke ilawa is ka juice bhi sehat ke liye nihayat mufeed hai .

aik glass baqaidagi se kheeray ka ras peenay se maiday ki tezabiyat khatam ho jati hai aur agar barri aant ke alsar ki shikayat hoto yeh marz bhi kheeray ka juice peenay se daur ho jati hai. kheeray ka juice banana zara bhi mushkil nahi hai. kheera blander mein daal kar aap ba aasani is ka ras tayyar kar sakti hain. garmiyon mein kheeray ka juice peenay se na sirf ghiza hazem ho ti hai balkay jismani thandak bhi millti hai is liye bachon ko is ka ras zaroor pilain.

haiza ki haalat mein car aamad:

hize ke marz mein kheeray ka ras intehai shifai asraat muratab karta hai. kheeray ka juice aik glass nariyal ke pani mein shaamil kar ke har ghantay baad peenay se haiza ki haalat mein pyaas ki shiddat mein kami aati hai. pani ki kami honay ki soorat mein kheeray ka ras jism ki ratboon aur namkiyat ke tawazun ko Bar qarar rkhtahe .

york acid mein tawazun:

jism mein york acid ki zayad-ti gathia aur joron ke dard samait deegar amraaz ka mojab banti hai .

kheeray ke juice ko gaajar' chakandar ya ajwain ke pattoun ke juice mein mila kar peenay se york acid munasib satah par rehta hai. aik mah tak mutawatar kheeray ka juice peenay se york acid ki fazil miqdaar mein wazeh kami runuma ho jati hai .

motapay ke khilaaf hathyaar:

aksar khawateen apna barha sun-hwa wazan kam karne ke liye kayi jatan karti hain. khaas diet plan aur excer size apna kar wazan mein kami ki koshish ki jati hai .

kheer a aisa sasta aur ba aasani dastyab nuskha hai jis ki madad se zayed wazan mein herat angaiz kami lana mumkin hai. subah nashtay mein kheeray ki qaashein timatar ke sath' dopehar mein bhi kheeray ki qaashein timatar ya mooli aur gaajar ke sath khoob achi terhan chaba ke khayen aur raat ke khanay mein bhi is par amal karen. chand haftay mein aap khud apne wazan mein farq mehsoos karen gi .

jald ke liye qudrati taank:

jald ki shadabi wa dilkashi ke liye khawateen kheeray ka istemaal kayi dahaiyo se karti aa rahi hain .

kheeray ka ras chehray aur hathon par laganay se rangat nekharti hai aur chehray se keel maha se khatam ho jatay hain. jald ke sath balon ke liye bhi kheeray ka ras behtareen hai. kheeray ka juice peenay se balon ki achi nashonuma hoti hai aur baal ghany aur mazboot ho jatay hain is ke ilawa aankhon ke atraaf halqon par kheeray ke tukre rakhnay se halqon mein kami aati hai .